മുംബൈ: ഓഹരി സൂചികകള്‍ മികച്ച നേട്ടത്തില്‍ ക്ലോസ് ചെയ്തു. 255.17 പോയന്റ് നേട്ടത്തില്‍ സെന്‍സെക്‌സ് 31311.57ലും 69.50 പോയന്റ് ഉയര്‍ന്ന് നിഫ്റ്റി 9657.55ലുമാണ് വ്യാപാരം അവസാനിപ്പിച്ചത്.
ബിഎസ്ഇയിലെ 1197 കമ്പനികളുടെ ഓഹരികള്‍ നേട്ടത്തിലും 1468 ഓഹരികള്‍ നഷ്ടത്തിലുമാണ്. ഓട്ടോ, എഫ്എംസിജി, ഇന്‍ഫ്ര, പൊതുമേഖല ബാങ്കുകള്‍ എന്നിവയുടെ ഓഹരികളാണ് മികച്ച നേട്ടമുണ്ടാക്കിയത്.
ടാറ്റ സ്റ്റീല്‍, ഹിന്‍ഡാല്‍കോ, അദാനി പോര്‍ട്‌സ്, തുടങ്ങിയവ നേട്ടത്തിലും ഇന്‍ഫോസിസ്, ഐഷര്‍ മോട്ടോഴ്‌സ്, ഡോ.റെഡ്ഡീസ് ലാബ് തുടങ്ങിയവ നഷ്ടത്തിലുമാണ് ക്ലോസ് ചെയ്തത്.
