സൗത്ത് ഇന്ത്യന്‍ ബാങ്ക് അധിക മൂലധന സമാഹരണം ലക്ഷ്യമിട്ട് നടത്തുന്ന അവകാശ ഓഹരികളുടെ വില്‍പ്പന നാളെ അവസാനിക്കും. ഒരു രൂപ മുഖവിലയുള്ള ഓഹരികള്‍ 13 രൂപ പ്രീമിയമടക്കം 14 രൂപയ്ക്കാണ് വിതരണം ചെയ്യുന്നത്. മൂന്ന് ഓഹരികള്‍ കൈവശമുള്ളവര്‍ക്ക് ഒരു ഓഹരി വാങ്ങാന്‍ അവകാശമുണ്ട്. മൊത്തം 630 കോടി രൂപ സമാഹരിക്കുകയാണ് ലക്ഷ്യം.
അവസാന രണ്ടു ദിവസങ്ങളിലായാവും ഓഹരി ഉടമകളില്‍ നിന്നുള്ള അപേക്ഷകള്‍ ലഭിക്കുക.ഫെബ്രുവരി 28നാണ് ഓഹരി വിൽപന്ന ആരംഭിച്ചത്. ഇതുവരെ ഏതാണ്ട് 45 ശതമാനത്തിലധികം ഓഹരികള്‍ക്ക് അപേക്ഷകള്‍ ലഭിച്ചതായാണ് സൂചന.
